15/09/2014 09:18:05

Në ditën e parë të shkollës

I mbani mend premtimet tuaja ?

TIRANE - E mbani mend ditën e parë të shkollës ? Si fjetët atë natë ? Një dozë e mirë gëzimi e përzier dhe me frikë për të panjohurën dhe emocion për të tashmen. Përballë jush mësuesit që do t'u japin dijet e para të jetës. Sa prej jush kanë qarë ?

Sot është dita e parë e shkollës. 540 mijë nxënës ulen në banka në sistemin 9 vjeçar (32 mijë) dhe të mesëm. Këtë vit mësimi bëhet me dy turne në 2137 shkolla publike dhe jo publike. Ministria e Arsimit hoqi nga programi 120 lëndë shkollore dhe rriti orët e edukimit fizik. "Nuk do ta mbyllim shkollën. Ajo do të jetë e hapur dhe pasdite. Mësuesit do të jenë aty, jo më si mësues jashtë profilit, jo më për kurse private, por mbi kokën e çdo nxënësi si një mik i mirë e profesionist", premtoi ministrja Lindita Nikolla.

Në mbështetje të kësaj reforme, kryeministri Rama në Twitter shkruan se shkollat nuk do të kenë më mësues jashtë profileve të caktuara. Jo më mësues të një profili që japin dhe lëndë të tjera !











Të gjithë janë në kërkim të një cilësie të shëndoshë shkollore, mbi të gjithë prindërit që investojnë për një mësimdhënie e cila do të rrisë mundësi e punësimit për nesër.

HermesNews - ©2014

Dërgo me email | Stampo artikullin