11/09/2014 15:23:54

S'ka vend për panik

Niko Peleshi qetëson ujërat dhe fton opozitën në Parlament

TIRANË - Banka e Shqipërisë funksionon normalisht me drejtuesit e saj. Lajmi u dha sot nga Zv.kryeministri Niko Peleshi i cili qetëson ujërat, ''nuk ka vend për panik''. Komisioni i ekonomisë shkarkoi sot guvernatorin Ardian Fullani, ndërsa pak minuta me pas Peleshi doli në një konferencë për shtyp dhe u tha qytetarëve se proçesi ka hyrë në rrjedhën e vet normale. "Qeveria shqiptare, sikurse është deklaruar edhe nga kryeministri, është së pari e interesuar që ky të jetë një proces nga i cili BSH të dalë më solide, më e fortë dhe më transparente dhe të mos jetë një proces i kontestuar politikisht. Ne do të jemi pjesë shumë aktive dhe do t’i japim integritet me të gjitha forcat këtij procesi të rëndësishëm në BSH", tha zv/kryeministri. Një ditë më parë kryeministri Rama la të kuptojë se në krye të Bankës së Shqipërisë mund të vijë një personalitet nga eksperienca ndërkombëtare.

HermesNews - ©2014

Dërgo me email | Stampo artikullin