28/08/2014 16:06:23

Ndërtime pa leje tek vila e Ramës ?

Akuzat e demokratëve. Ndërtime pa leje pranë kryeministrit

TIRANE - Demokratët thanë sot se 100 m. larg vilës së kryeministrit Rama, në Surrel të Dajtit, makineritë e tonazhit të rëndë, kanë shëmbur një kodër për t'i bërë hapësirë një ndërtimi pa leje. Lajmi u dha para disa ditësh nga deputeti demokrat Arben Ristani, i cili e quajti krim mjedisor. "Cilat ishin masat që mori Edi Rama ?", pyet Ristani. Ndërsa sot deputeti Gerti Bogdani akuzoi Kryeministrin për standartet e dyfishta që po përdor në rastin e ndërtimeve paleje dhe trajtimit të terrenit. "Duket që Qeveria Rama është një qeveri që operon me dy standarde", tha Bogdani i cili akuzoi dhe ministrin e mirëqënies sociale Erion Veliaj se po përpiqej të censuronte këtë lajm në media.

HermesNews - ©2014

Dërgo me email | Stampo artikullin