23/08/2014 09:28:30

Asnjë leje ndërtime deri në 2015tën

Vendimi i qeverisë, bllokohen lejet e ndërtimit. Fillojnë proçedurat për rishikimin e instrumenteve të planifikimit vendor, miratuar nga KKTja

TIRANE - Keshilli i ministrave pezullon lejet e ndërtimit deri në përfundim të zgjedhjeve vendore të vitit 2015. Vendimi u mor dje në mbledhjen e Këshillit Kombëtar të Territorit (KKT). Rama tha nuk do të lejohen abuzime për leje zhvillimore të caktuara. KKTja i dha ''OK'' vendimit për harmonizimin e instrumenteve të planifikimit vendor si pasojë e ndarjes së re administrativo-territoriale. Do të fillojnë procedurat për rishikimin e instrumenteve të planifikimit vendor, miratuar nga KKTja, me qëllim harmonizimin e tyre në funksion të ndarjes së re administrativo-territoriale. Rama tha se për të mos frenuar progresin e vendit gjatë kësaj kohe, pushteti vendor mund të japë leje vetëm në rastet që i hapin rrugë zhvillimit të turizmit, bujqësisë dhe industrisë së prodhimit.

HermesNews - ©2014

Dërgo me email | Stampo artikullin