16/08/2014 16:19:20

KAPET SEKRETARI I KOKËDHIMËS NË SARANDË

Arrestohet sekretari i Koço Kokedhimes Agron Cane. PD, Kokedhima po tenton të mbyllë çështjen

SARANDË - Nuk e ka kapërdirë kollaj e ëma, favorin që i kërkoi punëdhënësi herën e fundit që u paraqit në zyrën e tij bashkë me të bijën, minorene 14 vjeç. Skandali ka përfshirë sekretarin e deputetit socialist Koço Kokedhima. Agron Cane, 60 vjeç. Ai i ka premtuar gruas E.G një vend pune nëse e bija, nxënëse e shkollës "9 Tetori", do të bënte seks me të. Skandali ka shpërthyer pasi gazetari Artur Cani kishte trokitur në dyert e policisë për denoncimin që kishte marrë. Ministri i brendshëm Sajmir Tahiri i ka telefonuar gazetarit dhe i ka garantuar se ‘do të mbahet qëndrim ndaj personit Agron Cane', por Artur Cani ende nuk ka dorëzuar provat në polici. Policia arrestoi rreth ores 12:00 sekretarin e Kokëdhimës, Agron Cane. Drejtori i përgjithshëm i policisë së shtetit Artan Didi garanton se "do veprojmë si për cdo shtetas tjetër sepse të gjithë janë të barabartë para ligjit". Deputeti i PDsë Arben Ristani tha se, Kokëdhima kishte kërkuar të flasë me viktimat e poshtërimit njerëzor, nga njeriu i tij i besuar duke e cilësuar këtë si një tentativë për të mbyllur çështjen.

HermesNews - ©2014

Dërgo me email | Stampo artikullin