11/08/2014 17:44:45

12,8% investime më shumë

Rritja e investimeve është mbështetur nga një ambient makroekonomik i përmirësuar

TIRANE - Investimet private kanë shënuar rritje në tremujorin e parë, të udhëhequra në një masë të madhe nga rritja e investimeve të huaja direkte në këtë periudhë, të cilat u rritën me 12.8%.

Ekspertët e ekonomisë mbi bazën e të dhënave zyrtare shprehen se, rritja e investimeve është mbështetur nga një ambient makroekonomik i përmirësuar, ulja e pasigurisë së agjentëve në ekonomi dhe lehtësimi i standardeve të kreditimit.

Ndërsa nga ana tjetër, të dhëna cilësore nga vrojtimet e besimit për tremujorin e dytë mbështesin sinjalet pozitive për rikuperim të investimeve.

Bizneset kanë raportuar për përmirësim të gjendjes së tyre financiare, si rezultat i rritjes së kërkesës për produktet e tyre. Në të njëjtën kohë bizneset kanë rritur normën e shfrytëzimit të kapaciteteve të tyre dhe raportojnë për rritje të numrit të kontratave të reja porositëse. Treguesit e tërthortë, të cilët përafrojnë ecurinë e investimeve private në ekonomi, flasin për rritje të investimeve edhe gjatë tremujorit të dytë.

HermesNews - ©2014

Dërgo me email | Stampo artikullin