09/08/2014 09:22:26

Fuoristrada 10 metra në humnerë

Rrëzohet makina në veri të vendit: humb jetën shoferi dhe një shtetas i huaj

SHKODER - Një aksident tragjik ka ndodhur mbrëmë në orën 23:00 në aksin rrugor Dukagjin - Shkodër, në vendin e quajtur Guri i Mashës. Si pasojë e humbjes së kontrollit, automjeti foristradë Range Rover, me targa AA 592 AL, ku udhëtonin gjashtë persona me drejtues shtetasin Fatjon Pjetri, ka dalë nga rruga, duke rënë rreth 80 m në humnerë.

Si pasojë ka gjetur vdekjen e menjëhershme shtetasi Italian Xhorxho Paroggano, vjec 67, banues në Torino dhe ka ndërruar jetë gjatë transportimit në spital shtetasi Pllumb Muri, vjec 35, banues në Nicaj, Shosh, të cilët udhëtonin si pasagjerë në këtë mjet.

Fatjon Pjetri 28 vjec, banues në Shkodër, në gjendje të rëndë shëndetsore është dërguar për ndihmë të specializuar në Spitalin e Traumës Tiranë.

Kristian Gjini, vjec 23, banues në Velipojë, Fran Deda, vjec 23, banues në Palaj, Erald Papleka, vjec 22, banues në Shkodër, edhe këto pasagjaerë në mjet, ndodhen të shtruar në Spitalin Rajonal Shkodër, me plagë më të lehta, jashtë rrezikut për jetën.

Në vendin e ngjarjes ndodhet grupi hetimor i cili po kryen veprimet dhe po punon për sqarimin e rrethanave dhe shkaqeve të aksidentit. Në përfundim do të jepet informacion i plotë.

HermesNews - ©2014

Dërgo me email | Stampo artikullin