07/08/2014 12:35:47

Të krahasohemi me fqinjët

Veliaj, thirrje të rinjve për të ndjekur arsimin profesional

TIRANE - Ministri i Mirëqënies Sociale dhe Rinisë , Erion Veliaj në takimin e organizuar në ambjentet e zyrës së punës në Tiranë, u bëri thirrje të rinjve të ndjekin arsimin profesional në kuadrin e mbylljes së universiteteve private.
Duke përgëzuar punën e MAS për vendimin, ai u shpreh se , nuk kemi pse harxhojnë para me diploma pa vlerë.

"Që tani fillon një proçes i ri, proçesi i zanatëve", tha ai duke shtuar se, "duhet të jemi realiste dhe të krahasohemi me rajonin". Ky moment i dha fund utopisë dhe traditës për të vazhduar shkollën e lartë 3 vjet në universitete private.

Ndërkohë që ai përmendi alternativën e propozuar ndaj këtyre sipërmarrjeve të mbyllura tashmë, sipas së cilës, këto të kthehen në favor të arsimit professional. "Më mirë kurse që janë më të shkurtra dhe që mësojnë një zanat të mirëfilltë se sa dicka që nuk ka nevojë tregu i punës", sugjeron ministri.

Shqipëria nuk duhet të krahasohet me Amerikën, por me tregun në Maqedoni, Serbi etj. Në Shqipëri vetëm 17 % e nxënësve ndjekin arsimin profesional, ndërsa në rajon 70 % janë me arsim profesional.

Duke dhënë shembullin e një investimi gjerman në Shqipëri për një kompani makinash, ai nënvizoi që në vend mungojnë njerëz të specializuar në zanate, në këtë mënyrë s’mund të konkurrohen vendet përreth rajonit.

"Në Shqipëri ka 19.000 italianë që punojnë në zanate e kjo në mungesë të zanatçinjëve në vend", tha ministri.

HermesNews - ©2014

Dërgo me email | Stampo artikullin