06/08/2014 12:08:18

Basha qytetarëve, mos rregjistroni numrat e celularëve

Basha: ''Në prill, Gjykata Europiane mori një vendim dhe u tha kompanive celulare: ju do të dënoheni, edhe po i ruajtët këto të dhëna e jo më t’ju shkojë në mëndje t’ua jepni qeverive''

TIRANË - Një akt të paprecedentë dhe kërcënimin i që i bëhet lirisë së shqiptarëve, e konsideron kryetari i PDsë Lulzim Basha, vendimin e qeverisë për të marrë të dhënat personale të çdo abonenti të telefonisë celulare. Z. Basha u ka bërë thirrje qytetarëve shqiptarë të refuzojnë këtë përpjekje për të përgjuar dhe shantazhuar çdo qytetar shqiptar. "Duan të përgjojnë kë të duan, pa dhënë hesap askund. Në prill, Gjykata Europiane mori një vendim dhe u tha kompanive celulare: ju do të dënoheni, edhe po i ruajtët këto të dhëna e jo më t’ju shkojë në mëndje t’ua jepni qeverive, ndërsa qeveria këtu u thotë kompanive se do t’ju dënoj po nuk m’i dhatë, u thotë qytetarëve do t’ju gjobis po nuk m’i dhatë të dhënat personale", tha Basha.

HermesNews - ©2014

Dërgo me email | Stampo artikullin