06/08/2014 11:39:27

Pranga policëve të aeroportit

Ndimuan të kërkuarin të arratisej nga aeroporti. Arrestohen nga kontrolli i brëndshëm dhe katër të tjerë

TIRANË - Shërbimi i kontrollit të brendshëm në ministrinë e punëve të brendshme arrestoir 2 efektivë të policisë së aeroportit Nënë Tereza, pasi ndihmuan një të kërkuar që të arratisej. Arrestimet janë kryer nga shërbimi i kontrollit të brëndshëm pasi u konstatua arratisja e një shtetasi të deportuar nga Franca dhe ndaj të cilit gjykata kishte caktuar masën e sigurisë arrest më burg. I kërkuari quhet Eduard Laçi. Pasi ka kryer proçedurat e verifikimit, ka rezultuar se ishte i shpallur në kërkim për tentativë vrasjeje dhe është shoqëruar për në komisariatin e Rinasit, nga ku ka mundur të arratiset, ndërsa efektivët e arrestuar për shpërdorim detyre janë Nënkomisar Ibrahim Rama, me detyrë oficer roje në Komisariatin e Policisë Rinas si edhe Kryeinspektor Besim Çekeli, me detyrë polic roje në Komisariatin e Policisë Rinas. Bashkë me to janë arrestuar dhe katër personave të tjerë të cilët dyshohet se kanë ndihmuar këtë shetas të arratiset.

HermesNews - ©2014

Dërgo me email | Stampo artikullin