30/07/2014 11:21:06

Ndryshime ligjore dhe institucionale për sigurinë

Debate në komisionin e politikave të jashtme. Qeveria hedh poshtë paragrafin numër katër. Në pritje të ndryshimeve ligjore dhe institucionale që prekin sigurinë kombëtare

TIRANE - Këshilli i ministrave ka hequr nga drafti i strategjisë së sigurisë kombëtare ngritjen e agjencisë së sigurisë kombetëre, i cili duhej të ishte organi këshillimor për institucionin e parlamentit. Paragrafët e hequr nga qeveria në draftin e Strategjisë janë paragrafi katër, i cili mbështet krijimin e agjencisë si organ këshillimor për parlamentin e shqipërisë dhe misioni i agjencisë së sigurisë kombëtare. Debati mbi këtë strategji është diskutuar në mbledhjen e komisionit të politikave të jashtme ku u kundërshtua nga deputetët socialistë. Zv ministri i jashtëm, Sokol Dervishaj tha se, me heqjen e kësaj strukture bie strategjia dhe krijon probleme në zbatimin e saj. Paragrafi katërt i draftit është zëvendësuar nga një paragraf i shkurtër ku thuhet se, arkitektura e sigurisë kërkon ndryshime ligjore dhe institucionale dhe krijimin e kapaciteteve koordinuese administrative.

HermesNews - ©2014

Dërgo me email | Stampo artikullin