21/07/2014 13:34:59

Projektligji për reformën në KM

Komisioni i posaçëm miratoi më 17 korrik hartën e re territoriale të Shqipërisë që do të ketë 61 bashki

TIRANË - Këshilli i ministrave do të miratojë projektligjin për reformën administrative dhe territoriale me datë 23 Korrik. Pas kësaj date, drafti do të kalojë në komisionin e posatçëm dhe në Parlament për miratim me 3/5 e votave. Komisioni i posaçëm miratoi më 17 korrik hartën e re territoriale të Shqipërisë që do të ketë 61 bashki. Në këtë vendim u arrit pas marrjes në konsideratë të mendimeve dhe opinioneve të shprehura nga njësitë vendore, si dhe nga Partia për Drejtësi, Integrim dhe Unitet (PDIU), e cila, ndryshe nga pjesa tjetër e opozitës, u përfaqësua në komision pak ditë më parë. Drafti paraprak i qeverisë parashikonte hartën me 47 bashki, por pas propozimeve të të zgjedhurve vendorë dhe PDIU-së komisioni vendosi të shtojë dhe 14 bashki, nga Veriu në Jugt, duke sjellë draftin përfundimtar me 61 bashki.Në ndarjen e re territoriale u pranua varianti i PDIU-së për të përfshirë bashkinë e Konispolit, mes bashkive të reja, e cila popullohet kryesisht nga shqiptarë me origjinë çame. Në variantin paraprak Konispoli ishte pjesë e Bashkisë Sarandë.

HermesNews - ©2014

Dërgo me email | Stampo artikullin