19/07/2014 18:06:32

Ja si do të sigurohen prodhimet

Për herë të parë skema për sigurimin e prodhimeve. Projekte të reja për ullirin shqiptar

TIRANE - U shpërndanë sot kontratat e përfitimit nda skema e mbështetjes financiare në bujqesi në komunën Poshje (Berat). "Skemat e reja të mbështetjes financiare janë skema që mbështesin një filozofi tërësisht të re për vitin 2014, duke u ndarë njëherë e mirë nga e shkuara. Skema, të cilat fokus kryesor do të kenë pikërisht investimet në infrastrukturë bashkëkohore, linja standardizimi, ngritjen e pikave të grumbullimit, veçanërisht këtu në qarkun e Beratit, ku karakteristike është pikërisht prodhimi i frutave dhe perimeve dhe ku pikat e grumbullimit do të jenë fokusi kryesor", tha Drejtoresha e agjencisë së zhvillimit bujqësor dhe rural, Suela Popa.

Këtë vit janë subvencionuar me L230 milionë, vetëm nafta që është përdorur për 23 ha sera me ngrohje në qarkun e beratit. Ministri i Bujqësisë Edmond Panariti lajmëroi nisjen e dy projekteve të mëdha në bujqësi,

"Ne do të fillojmë një projekt shumë ambicioz prej disa milionë euro, në mbështetje të ullirit. Nga ana tjetër, një skemë pioniere, që ne përgatitemi të fusim dhe që i ka munguar bujqësisë shqiptare, është skema e sigurimit të prodhimeve. Ne do të fillojmë një projekt që këtë vit, prej disa milionë euro, për të filluar në nivel pilot disa skema sigurimi", lajmëroi ministri shqiptar.

Në komunën Poshje ishte i pranishëm sot dhe kryeministri shqiptar.

HermesNews - ©2014

Dërgo me email | Stampo artikullin