18/07/2014 17:24:16

Ngushëllime për humbjen e jetëve

Kryeparlamentari Ilir Meta mesazhe ngushëllimi përfaqësuesve malajzian në Tiranë

TIRANE - Kryetari i Parlamentit Ilir Meta ngushëlloi Kryetarin e Dhomës së Përfaqësuesve të Malajzisë, Sh. T.Z. Tan Sri Pandikar Amin Haji Mulia pas rrëzimit të avionit të Malaysia Airlines, ku humbën jetën rreth 300 persona. "Uroj që të zbulohen sa më shpejt shkaqet e rrëzimit të avionit", tha kryeparlamentari, i cili me tej shkruan, "Dëshiroj t’Ju siguroj se gjendemi pranë jush në këtë moment të vështirë. Në emër të të gjithë deputetëve të Kuvendit të Shqipërisë dhe timin personal më lejoni t’Ju shpreh ngushëllimet më të sinqerta Ju dhe të gjithë familjarëve që humbën njerëzit e tyre më të shtrenjtë. Dëshiroj të ndaj me Ju dhimbjen dhe të bashkohem në lutjen Tuaj që shpirtrat e tyre të prehen në paqe", shkruan në mesazhin e ngushëllimit Kryetari i Kuvendit.

HermesNews - ©2014

Dërgo me email | Stampo artikullin