18/07/2014 17:04:18

Pensionet: paguhen dhe raportat

Rritja e pensioneve do të jetë për ata që janë aktualisht në skemën e pensioneve, por edhe në rastet kur paguhen më shumë kontribute te sigurimet shoqërore

TIRANE - Parashikimi i rritjes së pensioneve do të jetë për ata që janë aktualisht në skemën e pensioneve, siguron Erion Veliaj, Ministër mirëqënieje. Në rastet kur paguhen më shumë kontribute te sigurimet shoqërore duke krijuar barazi sociale, do të paguhen më shumë po ashtu kur të dalin në pension.

Ata që kanë një pagë të lartë do të taksohen më shumë, kjo duke u bazuar tek taksa progresive. Për pensionet e reja, të cilat do të jenë pjesë e skemës duke filluar nga 1 janari, kur të hyje në fuqi ligji i ri për pensionet, minimumi për të marrë pension është 15 vite dhe për herë të parë do të këtë bonus për të gjithë ata njerëz që punojnë edhe duke kaluar moshën e pensionit, tha Veliaj.

Çdo njeri ka një histori personale me vite të shpërndara në punë të ndryshme dhe formula e re që do të përdoret është e aplikueshme në 28 vende të Bashkimit Europian dhe sigurisht do të paguhet më shumë kur njeriu shkon në punë dhe jo kur merr raport.

Një praktikë utilitare.

"Të inkurajojmë formulën e re që edhe ata që të jenë më raport të paguhen, edhe ata që punojnë të paguhen më shumë dhe në bazë të rrogës të kemi dhe pensionin në fund, sa më shumë vite aq më shumë pension, pa ndërhyrë me taksa duke mos çuar dëm asnjë ditë punë as një vit, siç mund të bëhej me formulën e vjetër që edhe pse mund të kishe më shumë vite pune, merrje një pension të përcaktuar”, nënvizoi Veliaj.

HermesNews - ©2014

Dërgo me email | Stampo artikullin