17/07/2014 12:10:38

Ja ndryshimet e ligjit për varrimet

Parlamenti diskutoi risitë e ligjit për varrimet. Opozita nuk merr pjesë

TIRANË - Opozita protestoi sot ndaj konfliktit fizik ndaj deputetit të PD-së, Gent Strazimiri dhe deputetëve të PS-së, Arben Ndoka e Pjerin Ndreu. Ngjarja ndodhi një javë me parë në mjediset e parlamentit. Në punimet e ditës ku do të flitej për shërbimin publik të varrimit, demokratët nuk morën pjesë. Ndryshimet u propozuan nga Ministria e Turizmit dhe e Zhvillimit Urban dhe prekin një situatë të vështirë në shërbimin e varrimit, sidomos në Tiranë. Me ligjin e ri parashikohet dhe kremimi i trupit. propozohet ngritja e varrezave historike, kulturore dhe shtetërore. Ligji i jep të drejtën privatëve, përfshirë dhe komunitetet fetare në vend, që të ngrenë varrezat e tyre në tokat që kanë në pronësi. Edhe varrezat murale janë një tjetër mundësi për subjektet private e parashikuar në ligj, që synojnë futjen në rrugën e zgjidhjes të këtij problemi.

HermesNews - ©2014

Dërgo me email | Stampo artikullin