16/07/2014 17:12:14

Dosja e gjyqtarit në Prokurorinë e Përgjithshme

Gjytari, ndaj meje sulm politik, nuk kanë prova për fshehje pasurie

TIRANË - Një dosje me akuzën e pastrimit të produkteve të veprës penale ose veprimtarise kriminale i dorëzua sot Policia e Shtetit, Prokurorisë së Përgjithshme ndaj gjykatesit Gjin Gjonit.

Kjo ndodhi pas kallëzimit penal te ILDKP-së ndaj gjykatësit, për veprat penale të deklarimit të rremë të pasurisë dhe falsifikimit të dokumenteve. Investimet e larta te bera ne pasurite e paluajtshme nuk perkojne me rrogat e tij dhe të bashkëshortes së tij, prandaj, "dyshohet se ka një pasuri të pajustifikuar dhe të dyshimtë e cila ka burimin financiar nga aktivitete të paligjshme", thuhet në konferencën për shtyp. Anëtari i KLD, Gjin Gjoni, i akuzuar nga ILKDP për fshehje të pasurisë në vlerën 2 milionë euro, në një konferencë për shtyp, tha se akuzat ndaj tij kane prapavijë politike për të dhe institucionin e KLD dhe se për këtë ka fakte të dokumentuara të cilat do t’i paraqesë shumë shpejt në Prokurori.

"Kam respektuar punën time. U bënë 3 muaj që lakohet emri im në mënyrë vulgare. Dua të sqaroj se akuzat ndaj meje janë me prapavijë politike. Këtë e bëri edhe kryeministri duke dalë hapur dhe lakuar emrin tim. Dua të flas për pasurinë time, pasi është bërë një spekulim mediatik dhe hiperbolik. Kjo cështje është ngritur për një luftë ndaj meje dhe KLD", tha Gjoni.

Gjin Gjoni tha se ndaj tij nuk është paraqitur asnjë provë lidhur me akuzën për fshehje të pasurisë si nga ana e ILKDP ashtu edhe nga Ministri i Drejtësisë. Ai tha se ka prova që vërtetojnë se akuzat ndaj tij janë të pavërteta dhe se do t’i paraqesë ato shumë shpejt në Prokurori.

Anëtari i KLD Gjin Gjoni akuzohet nga ILDKP për fshehje të pasurisë në vlerën e 2 milionë eurove. Ministri i Drejtësisë Nasip Naço kërkoi nga KLD shkarkimin e gjyqtarit Gjoni, kërkesë kjo e rrëzuar nga Këshilli i Lartë i Drejtësisë. Gjithashtu edhe kërkesa e Prokurorisë për pezullim të Gjonit nga detyra është rrëzuar nga Gjykata e Elbasanit dhe ajo e Durrësit.

HermesNews - ©2014

Dërgo me email | Stampo artikullin