15/07/2014 22:12:40

A do të ketë kthim tek regjimi i vizave për qytetarët ?

Forcim i bashkëpunimit kundër emigrimit të paligjshëm, por a rrezikohet e ardhmja e lëvizjes së lirë ?

TIRANE - Nuk do ketë kthim tek regjimi i vizave për shqiptarët siguruan sot dy ministrat e brëndshëm, ai i francës dhe gjermanisë. "Nisur nga statistikat aktuale të deritanishme, mendoj se ky rrezik nuk ekziston", tha Bernard Cazeneuve, ministri i brendshëm francez. "Ne nuk kemi ardhur në Shqipëri që të vëmë në dyshim atë që është arritur, ne thjesht kemi ardhur në Shqipëri që të bisedojmë së bashku për të gjetur rrugët dhe mjetet për të përforcuar bashkëpunimin tonë", u shpreh homologu gjerman Thomas de Mazière. "Shqipëria sot nuk ofron asnjë kusht për të legjitimuar emigrimin e paligjshëm apo kërkimin e azilit në BE, qoftë për nga stabiliteti demokratik apo zhvillimi ekonomik i konsoliduar, ndaj edhe unë i bashkohem bashkë me kolegët thirrjes për qytetarët që as mos e provojnë të shohin të ardhmen e tyre nëpërmjet mënyrave të paligjshme siç është kërkimi i azilit në vendet e BE-së", tha ministri i brendshem Saimir Tahiri.

HermesNews - ©2014

Dërgo me email | Stampo artikullin