15/07/2014 21:39:03

Franca flet qartë kundër emigrimit

Ministri francez në Tiranë: vendet tona nuk mund dhe nuk duan të sigurojnë ato gjëra që Shqipëria i ka

TIRANE - Çështje që prekin sigurinë, lufta kundër kriminalitetit, trafiku i qënieve njerëzore dhe droga. Çështje që kanë të bëjnë me kapitujt 23 e 24. Ministri i brendshëm i francez Bernard Cazeneuve tha sot gjatë një konference për shtyp me homologun e tij shqiptar Saimir Tahiri se; "Ne kemi rënë dakord që të bashkojmë ekspertizat tona reciproke të Francës, Gjermanisë dhe Shqipërisë në mënyrë që të bashkojmë mundësitë dhe mjetet tona në luftën kundër këtij fenomeni. Pastaj është fenomeni i emigracionit dhe i trafikimit të qënieve njerëzore, kemi të bëjmë me rrjete të organizuara të trafikut, të cilët dërgojnë drejt vendeve tona respektive, të mitur, familje, gra duke u premtuar gjëra të cilat vendet tona nuk kanë mundësinë dhe nuk duan t’ua sigurojnë qytetarëve që vijnë nga vende me një demokraci të konsoliduar siç është Shqipëria", tha ministri. Shqipëria është vendosur në listën e vendeve me origjinë të sigurt, "të gjithë shqiptarët duhet të dinë që nuk është e mundur të emigrohet në Francë dhe përgjigjja jonë do të jetë e fortë ndaj të gjitha këtyre rrjeteve", tha ministri i cili la të kuptohet se vetëm mbi bazën e kësaj sigurohet mbështetja franceze në integrimin europian të Shqipërisë.

HermesNews - ©2014

Dërgo me email | Stampo artikullin