05/07/2014 16:41:19

Ndryshon kreu i të përndjekurve

Nga viti 2001-2004, ai ka kryesuar Grupin Ndër-Ministerial të Punës për përafrimin e legjislacionit tregtar shqiptar me standardet e Bashkimit Europian.

TIRANË - Ministri i mirëqenies sociale dhe rinisë Erion Veliaj, ka emëruar në postin e Drejtorit të Institutit të Integrimit të të Përndjekurve Politikë, Bilal Kolen, i cili zëvendëson në këtë detyrë, Bedri Blloshmi. Kola ka një eksperiencë të gjatë 15 vjeçare si jurist në Shqipëri, Angli dhe Kanada. Nga viti 2001-2004, ai ka kryesuar Grupin Ndër-Ministerial të Punës për përafrimin e legjislacionit tregtar shqiptar me standardet e Bashkimit Europian. Ai zotëron një Master në të Drejtën Ndërkombëtare Tregtare nga Universiteti Metropolitan i Londrës, si dhe një diplomë në të Drejtën Ndërkombëtare të Aviacionit. Ministria e Mirqenies Sociale njoftoi sot emerimin e drejtorit të ri pa dhënë shpjegime të mëtejshme.

HermesNews - ©2014

Dërgo me email | Stampo artikullin