04/07/2014 16:05:48

Nishani merr letër nga Barroso

BE inkurajon për reforma dhe konsensus të gjerë kombëtar

TIRANË - Presidenti i Republikës, Bujar Nishani, ka marrë sot një mesazh nga Presidenti i Komisionit Europian, José Manuel Barroso, i cili shkruante se, Bashkimi Europian ka hapur një kapitull të ri në marrëdhëniet BE -Shqipëri. "Të gjitha forcat politike në Shqipëri, do të ndërtojnë mbi këtë sukses të përbashkët dhe do të intensifikojnë dhe përshpejtojnë përpjekjet e tyre për reforma, kryesisht në drejtim të prioriteteve kyçe të identifikuara për hapjen e negociatave, me fokus të veçantë tek shteti i së drejtës", shkruante ai. Barroso inkurajon per reforma dhe konsensus të gjerë kombëtar. "Jam i bindur se Shqipëria do të shënojë progres të mëtejshëm të rëndësishëm në rrugën e saj drejt Bashkimin Europian në vitet në vazhdim, dhe pres më kënaqësi takimin tonë të ardhshëm”, përfundon mesazhi i Presidentit Barroso.

HermesNews - ©2014

Dërgo me email | Stampo artikullin