01/07/2014 16:56:20

Arrestohet për mashtrime me deklarata

Ai akuzohet se ka siguruar dhjetëra deklarata noteriale me vlera nga 6000 euro deri në 230 000 euro, dhjetra procedime penale e civile të hapura fiktivisht nga Ledjan Muçaraku

TIRANË - 29 vjeçari nga Fieri Ledjan Nasi Muçaraku është arrestuar dhe dyshohet se kishte krijuar një skemë mashtrimi për të vjedhur shuma të konsiderueshme parash. Arrestimi i Muçarakut, i proçeduar më parë për korrupsion në Vlorë u bë gjatë operacionit "gravata e zezë".

Arrestimi u bë pas një hetimi pesë mujor i policisë. Deri aktualisht janë siguruar dhjetëra deklarata noteriale me vlera nga 6000 euro deri në 230 000 euro, dhjetra procedime penale e civile të hapura fiktivisht nga Ledjan Muçaraku.

Ai hartonte thuajse çdo ditë nga 1 - 2 - 3 akte noteriale me vlera marrëmendëse parash të dhënë me interes, me peng pasuri të paluajtshme shtëpi, troje, lokale etj. Gjatë gjithë kësaj kohe ju kërkonte para si shpërblim për këtë punë dhe për aktet noteriale në vlera që shkonin nga 15 000 mijë lekë deri në 500 000 pesëqind mijë lekë për kontratë.

Për t’ju siguruar këto para i dyshuari, përveç se u kërkonte ti depozitonin para në llogaritë e tij bankare, u kërkonte edhe para në dorë dhe shpërblime të tjera gjatë gjithë kohës të të ashtuquajturës përpjekje për t’u kaluar shumat në bankë, gjë e cila nuk ndodhte kurrë veç ndonjë vlerë të pa përfillshme, sa për të mbajtur në këmbë skemën e mashtrimit.

Një pjesë të mirë të klientëve të tij arrinte ti mashtronte sërish duke i bindur të shkonin para noterit e të deklaronin me vullnetin e tyre se ata i kishin marrë para në dorë nga Ledjani dhe ja kishin kthyer atij me bankë dhe se nga ky moment i paraqitjes para noterit nuk ka më asnjë detyrim ndërmjet palëve.

Më pas shkonte në bankë dhe printonte gjendjen e llogarisë bankare. Me akte të tilla ka hapur dhjetëra procedime fiktive dhe ka arritur të fitojë gjyqe civile për kthimin e shumave plus interesin, pavarësisht se realisht ai këto vlera parash nuk i kishte dhënë.

HermesNews - ©2014

Dërgo me email | Stampo artikullin