25/06/2014 18:00:15

Ku të investosh në botë ? Përgjigjen amerikanët

Renditja e revistës Foreign Policy; Shqipëria përmirësohet me 18 vende

TIRANË - Revista e njohur amerikane Foreign Policy ka publikuar për të dytin vit radhazi Indeksin Bazë të Rentabilitetit, Ku të investosh në botë, Edicioni 2014. Në këtë publikim, Foreign Policy vlerëson se Shqipëria është përmirësuar me 18 vende, pasi është renditur në vendin e 53-të për vitin 2014, nga vendi i 71-te që ishte në vitin 2013, për mundësitë e tërheqjes së investimeve të huaja. Raporti i Foreign Policy bazohet në tetë faktorë, për të parashikuar atë se çfarë investitorët e huaj presin në vendet ku duan të investojnë. Këto faktorë janë rritja ekonomike, stabiliteti financiar, siguria fizike, korrupsioni, varësia nga qeveria, bashkëpunimi mes partnerëve lokalë, kontrolli mbi kapitalin dhe kursi i këmbimit. Sipas rankimit të Foreign Policy, Shqipëria zë vendin e 53-të në botë, nga 112 vende në total. Në këtë renditje vihet re se Shqipëria qëndron përpara Serbisë, Bosnje-Hercegovinës dhe Kroacisë. Në raportin e vitit 2013 të Foreign Policy Shqipëria renditej në vendin e 71.


Promo

HermesNews - ©2014

Dërgo me email | Stampo artikullin