22/06/2014 14:34:02

Maksi arsenal dhe drogë në Lazarat

Deri tani blutë kanë kontrolluar mbi 59 banesa shtëpie. Operacionet vijojnë

LAZARAT - Blutë vazhdojnë operacionet në Lazarat për të asgjësuar sipërfaqet e kultivuara me drogë. Deri tani është ushtruar kontroll në territoret e mbi 59 banesave dhe ambienteve të tjera në brendësi të fshatit Lazarat, tokave përreth tyre dhe në tokat e komunës. Janë gjetur dhe asgjësuar rreth 1 ton 459.955 kg marijuanë, 14.697 bimë narkotike kanabis sativa, duke marrë dhe mostrat përkatëse në cilësinë e provës për ekzamimin, 1.3 kg lëndë narkotike çokollatë, 3 kg farë kanabis sativa, janë sekuestruar 34 armë zjarri automatikë e pushkë, janë sekuestruar 2 pistoleta, janë sekuestruar 2 granthedhës, 1 antitank, 3 armë gjahu, 10 armë të djegura si: 1 grantëhedhës, 2 mitroloz, 6 automatikë, 1 pushkë, janë gjetur gjithashtu 13.432 fishekë të llojeve të ndryshme, 87 granata, 162 kallëpë tritol, 26 predha granatëhedhësi, 150 ndezësa elektrik dhe një sasi tjetër e konsiderueshme, 57.3 m fitil zjarrpërcjellës, 152 krëhra fishekësh. Janë bllokuar për kqyrje të mëtejshme 7 automjete, janë sekuestruar 2 targa automjetesh, janë sekuestruar 6 pajisje presuese droge, është sekuestruar 1 aparat kërkues floriri.

HermesNews - ©2014

Dërgo me email | Stampo artikullin