21/06/2014 15:34:40

Zbulohen 3 ton e 90,2 kg marijuanë

Vijon operacioni i policisë në Lazarat. Deri tani janë sekuestruar mbi 33 ton drogë

GJIROKASTER - Pesëmbëdhjetë banesa janë kontrolluar nga blutë në Lazarat gjatë aksoneve të ditës, bashkë me to janë kontrolluar dhe tokat e komunës. Policia gjeti dhe asgjësoi 3 ton dhe 90,2 kilogramë marijuanë dhe rreth 230 bimë kanabis sativa. Është sekuestruar dhe një automatik, 3 granata dhe një sasi fishekësh. Deri tani janë sekuestruar 107.400 rrënjë bimë narkotike dhe fidanë, si dhe të një sasie mbi 33 ton e 943 kg ka.nabis sativa. Gjatë këtyre kontrolleve janë gjetur dhe 4 laboratorë nga të cilët 2 përpunimi të bimëve narkotike dhe 2 për përpunimin e vajit të hashashit , si dhe sasi të konsiderueshme municioni dhe armë. Mbi 250 banesa jane kontrolluar deri tani. Deri këto momente janë arrestuar 18 persona të dyshuar për sulmet me armë ndaj forcave të policisë.

HermesNews - ©2014

Dërgo me email | Stampo artikullin