18/06/2014 16:14:19

Pikëpyetje të banorëve në Lazarat

Intervistë eksluzive me një banor. ''Njerëzit thonë që e bëjnë këtë operacion sa për sy e faqe që të marrim statusin, për interesa politike pra që të shohë Europa që po punon shteti''

GJIROKASTER - Si ka qenë situata sot ?

A: Sot ka qenë qetësi, nuk kam dëgjuar asnje krismë.

Çfarë flitet ?

Nga llafet që janë hapur nëpër popull lart e poshtë, njerëzit kanë besim tek policia, por lazot janë të armatosur: atë që qëllojnë policinë kështu kanë bërë githmonë. E vërtetë është se dje në mëngjes binte era e hashashit të djegur; gjë e mirë, tregon se policia po vepron. Njerëzit janë pak të trembur se kanë frikë për.ndonjë luftë apo ndonjë plumb qorr. Policia është shpërndarë kudo, në çdo lagje dhe në qytet brenda. Vijnë vërdallë lart e poshtë.

A vazhdon normalisht e përditshmja ?

Po, jeta këtu në qytet normalisht vazhdon me një ndryshim se tema e ditës është lazarati në gojën e njerëzve.

Policia jo ?

Policia është shpërndarë në qytet kudo dhe dyqanet punojnë pa problem, janë të hapura tërë ditën. Qytetarët dalin në rrugë. Ne e dimë se ata nuk po bëjnë lufëe me njerëzit, por këto plumba mund t'i prekin njerëzit gjithsesi.

Çfarë mendoni për këtë operacion ?

Besoj se do e çojnë deri në fund.

Çfarë thonë për politikën ?

Përgjithësisht njerëzit thonë që e bëjnë këtë operacion sa për sy e faqe që të marrim statusin, për interesa politike pra që të shohë Europa që po punon shteti.

Dmth besojnë se pas statusit do të kthehet prapë si ka qenë ?

Ndoshta po, se vështirë të shfarosësh gjithë atë Lazarat në çdo cep toke me hashash. Ka dhe nga ata lazaratas që janë në gjëndje ta mbrojnë tokën dhe me jetë. Kjo varet nga policia sa do mund ta përfundojë deri në fund pa lënë asnjë rrënjë te vetme. Siç ka qenë nuk besoj të kthehet jo.

Personalisht si ndjehesh në gjithë këtë histori ?

Unë erdha në qytetin tim të lindjes të pushoj pak nga stresi i metropolit por mesa duket nuk qëlloi ashtu. Prsonalisht nuk kam frikë por vetëm na është prishur qetësia akustike. Më tepër e ndjen mosha e madhe. Xhaxhai më thotë mos dil në oborr se mos të vijë plumbi qorr. Shpresoj që të përfundojë me sukses. //HermesNews ©2014//

Doriana Metollari

Dërgo me email | Stampo artikullin