17/06/2014 17:54:38

Shmagia e taksave të dyfishta

Mlidhet Komisioni për Ekonominë

TIRANË - Komisioni për Ekonominë dhe Financat miratoi në tërësi dy marrëveshje për shmangien e tatimit të dyfishtë. Bëhet fjalë për projektligjin “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Emirateve të Bashkuara Arabe për shmangien e tatimit të dyfishtë dhe parandalimin e evazionit fiskal në lidhje me tatimin mbi të ardhurat dhe kapitalin” si dhe projektligjin “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Republikës së Kosovës për shmangien e tatimit të dyfishtë lidhur me tatimet mbi të ardhurat dhe mbi kapitalin dhe për parandalimin e evazionit fiskal”. Sipas relatores, Evis Kushi, këto marrëveshje kanë një rol të rëndësishëm për zhvillimin e aktiviteteve të shoqërive dhe personave.Pavarësisht ku realizohen të ardhurat subjektet tatohen në vendin e rezidencës dhe për këtë arsye lind nevoja e negocimit të marrëveshje ndërmjet vendeve për të arritur mbulim sa më të mirë të legjislacionit fiskal tatimor në mënyrë që të shmanget mbitaksimi i subjekteve dhe individëve.

HermesNews - ©2014

Dërgo me email | Stampo artikullin