17/06/2014 15:39:07

Drejtësi për gazetarët e dhunuar në Lazarat

Dhuna ndaj gazetarit Gerti Xhaja këmbanë alarmi për gjithë shoqerinë

TIRANE - Qëndra për Çështje të Informimit Publik, INFOCIP, dënon me ashpërsinë më të madhe dhunën kriminale të shfaqur ndaj gazetarit Gerti Xhaja dhe 3 pjestarëve të tjerë të grupit të xhirimit të dërguar në Lazarat nga televizionit A1 Report.

Përdorimi i armëve të zjarrit për të intimiduar median të bëjë detyrën për informimin e publikut është akti më i dënueshëm. Kush ushton dhumë mbi gazetarin, ka ushtruar dhunë mbi gjithë shoqërinë. Autorët e këtij akti thëllësisht kriminal duhet të nxirren urgjentisht para drejtësisë për të marrë dënimin më të ashpër.

Kërcënimi i jetës së gazetarit Gerti Xhaja dhe kolegëve të tij është një vepër penale shumë më e rëndë sa sa kultivimi dhe trafikimi i kanabisit për të cilin policia ka mësyrë ën Lazarat. Nëse trafikantët dhe kriminelët nuk hezitojnë të marrin jetën e gazetarët, apo policive, atëherë jeta e cdo qytetari shqiptar është sot në rrezik.

INFOCIP i bën thirrje të gjitha institucioneve vendase, organizatave ndërkombëtare dhe cilitdo faktor tjetër institucional të dënojnë pa rezerva dhe publikisht dhunën e ushtruar ndaj gazetarit Gerti Xhaja dhe tre pjesëtarëve të tjerë të grupit të xhirimit të televizionit.

Sot është dita kur të gjithe, pa dallime dhe pa medyshje të rreshtohen në mbrotje të jetës dhe të dinjitetit të gazetarve që me kurajo informojnë publikun mbi përmasën kriminale të kultivimit dhe trafikimit të narkotikëve në Shqipëri.

komunikatë për shtyp

Dërgo me email | Stampo artikullin