12/06/2014 16:21:42

Qeveria agresive me artistët

PD komenton vendimin e qeverisë për të hedhur poshtë kontratat me artistët e Teatrit të Operës e Baletit

TIRANË - Partia Demokratike, nëpërmjet zëdhënëses Laura Vorpsi, denoncoi të enjten me një deklaratë për mediat, vendimin e qeverisë për të hedhur poshtë kontratat me artistët e Teatrit të Operës e Baletit dhe Teatrit Kombëtar, duke e cilësuar si kapje e institucioneve të artit nga mazhoranca.
"Ky akt i shëmtuar është pjesë e agresionit qeveritar që nuk kursen as Teatrin e Operas dhe Baletit dhe as Teatrin Kombëtar. Mesa duket Edi Rama ka vendosur t’i kapë edhe këto institucione dhe tani e tutje ai do të miratoje edhe pjesët që do të vihen në skenë në teatër dhe në balet dhe aktorët që do të marrin përsipër rolet". Partia Demokratike i kërkon qeverisë të tërhiqet nga ky akt i papreçedent, që fyen jo vetëm artistët, por dhe kontributin e tyre disavjeçar, çka është sot pjesë e pasurisë kulturore të kombit, përfundoi Vorpsi.

HermesNews - ©2014

Dërgo me email | Stampo artikullin