10/06/2014 15:30:14

Patentat online pa kosto

Kodi Rrugor i Republikës së Shqipërisë pritet të ndryshojë në kuadër të nismës së Ministrisë së Transportit dhe Infrastrukturës

TIRANE - Kalimi i patentave në sistemin e ri me pikë nuk do të ketë kosto për qytetarin. Drejtori i Përgjithshëm i ShTRr, Ylli Spahiu bëri të ditur se regjistri kombëtar elektronik është i përfunduar. Sa i takon lejeve të drejtimit të prodhuara nga viti 2005 e në vazhdim, Spahiu shpjegon se do të jenë po këto leje drejtimi dhe qytetarit nuk do ti duhet të paguajë kosto shtesë, pasi patenta përmban të gjitha elementët e sigurisë që kërkohen. Aktualisht në regjistrin elektronik të këtij institucioni dhe të Policisë Rrugore janë hedhur të dhënat e 740 mijë lejeve drejtimit. Nga ana tjetër, edhe Kodi Rrugor i Republikës së Shqipërisë pritet të ndryshojë në kuadër të nismës së Ministrisë së Transportit dhe Infrastrukturës. Në nenin 120/1 propozohet të bëhen ndryshime, sipas të cilave tregimi i sasisë së pikëve është i lidhur me çdo shkelje dhe duhet të rezultojë nga vendimi i komisionit të organit epror të agjentit verifikues. Sipas këtij ndryshimi, heqja e pikëve të patentave në rast shkeljeje nuk do të jetë më kompetencë e një funksionari të vetëm, por e një komisioni.

HermesNews - ©2014

Dërgo me email | Stampo artikullin