05/06/2014 12:33:37

Lulzim Basha çon ''emërimet'' në Bruksel

Basha takon reporterin për shqipërinë të asamblesë parlamentare të këshillit të europës, Jonathan Evans

BRUKSEL - Zhvillime shqetësuese në Shqipëri për selinë blu, kanë qenë në qëndër të takimit që kreu Lulzim Basha pati në Bruksel me reporterin për shqipërinë të asamblesë parlamentare të këshillit të europës, Jonathan Evans. Demokracia, institucionet e pavarura, media janë në rrezik dhe rritja e kriminalitetit dhe narkotrafikut në vend, janë probleme me të cilat aktualisht po përballet vendi. Basha tha se trafiku i drogës me alibinë dhe mbrojtjen qeveritare, është një burim financimi i korrupsionit politik. "Punësimi në pozicione drejtuese në polici dhe administratë i personave të lidhur me trafikun e drogës, apo forma të tjera të krimit, po sjell një përkeqësim të thellë të luftës ndaj krimit dhe korrupsionit", tha Basha. Integrimi ishte nj tjetër pikë e bisedës ndaj cilës Basha shprehu mbështetjen e plotë të opozitës shqiptare.

HermesNews - ©2014

Dërgo me email | Stampo artikullin