04/06/2014 15:13:01

L125 mld të ardhura në buxhet

Rendimenti i të ardhurave është përmirësuar më tej në muajin maj, ku të hyrat buxhetore ishin 17% më të larta në raport me majin 2013

TIRANE - Të ardhurat në buxhet për periudhën janar - maj 2014 arritën në rreth 125 miliardë lekë, duke u rritur me 12.3% në raport me të njëjtën periudhë të një viti më parë, sipas të dhënave paraprake të raportuara nga Ministria e Financave. Rendimenti i të ardhurave është përmirësuar më tej në muajin maj, ku të hyrat buxhetore ishin 17% më të larta në raport me majin 2013. Maji ishte veçanërisht pozitiv për tatimet, me një rritje rekord prej rreth 27%, në raport me majin e një viti më parë. Në raport me planin, të ardhurat kanë qenë 2% më të larta për periudhën në fjalë. Kontributin kryesor në rritjen pozitive, e kanë dhënë të ardhurat nga tatimet, që janë zgjeruar me 15.1% në 16.7 miliardë lekë, ndërsa të hyrat nga doganat u shtuan me 9.1%.

HermesNews - ©2014

Dërgo me email | Stampo artikullin