03/06/2014 18:40:27

''Ndotjet'' e lejuara të produkteve

Koventa e stokholmit bën që të angazhojë vendet që e ratifikojnë në elimimin e disa pesticideve dhe kimikateve të rrezikshme. Ministria e agrikulturës publikon listat e substancave dhe nivelet e lejuara

TIRANE - Ministria e agrikulturës ka publikuar sot (foto) nivelet e lejuara të pesticideve për produktet ushqimore. Bëhet fjalë për produkte si banane, domate, grurë, kastravecë, mollë, patate, rrush tavoline, rrush për verë, speca, ullinj tavolinë. Në udhëzimin numër 5 të ligjit "për nivelin maksimal të mbetjeve të pesticideve në banane, domate, grurë, kastravecë, mollë, patate, rrush tavoline, rrush për verë, speca, ullinj tavoline", datë 14 Maj 2014, flitet qartë se kjo bëhet për zbatimin e konvestës së stokholmit e cila është ratifikuar dhe nga Shqipëria. Në 22 maj 2001, në Stokholm të Suedisë u adoptua Konventa e Stokholmit, e cila hyri në fuqi në 17 maj 2004. Sipas kësaj Konvente vendet, të cilat e kanë firmosur atë, angazhohen në eliminimin dhe përdorimin e disa pesticideve apo kimikateve, që kanë një efekt negativ në faunë dhe në florë. Shqipëria firmosi konventën më 5 Dhjetor 2001 dhe e ratifikoi më 4 Dhjetor 2004: hyri në fuqi në 2 Janar 2005.

HermesNews - ©2014

Dërgo me email | Stampo artikullin