02/06/2014 16:26:05

Prifti që irritoi kryeministrin

Rama braktis darkën zyrtare pas ceremonisë së shenjtërimit të katedrales ortodokse ''Ngjallja e Krishtit'' në Tiranë

TIRANE - Kryeministri Edi Rama gjatë takimit të zhvilluar në kryeministri me patriarkët botërorë, ku të pranishëm ishin serbi Irinej, Janullatos, Patriarku Ekumenik Bartolomeu I, the se ndjehej i fyer për deklaratat e patriarkut serb gjatë qëndrimit në Tiranë, i cili tha se "Kosova është tokë e shenjtë për Serbinë". Rama ka mbajtur qëndrim ndaj deklaratave të patriarkut serb për Kosovën. "Kolegu juaj", është shprehur Rama duke treguar me gisht patriarkun serb, "ka abuzuar me mikpritjen tonë, duke e transformuar një festë fetare dhe provën e bashkëjetesë tonë fetare në një çështje politike. “Ne jemi revoltuar dhe na ka fyer". Për këtë kryerministri bojkotoi darkën zyrtare të ortodoksëve mbajtur të dielën në mbrëmje, pas ceremonisë së shenjtërimit të katedrales ortodokse "Ngjallja e Krishtit".

HermesNews - ©2014

Dërgo me email | Stampo artikullin