02/06/2014 15:54:42

Mesazhi për BE-në, një blof ?

Mesazhi i Ramës për Bashkimin Europian në prag të raportit. Kallëzime penale për të tjerë ish ministra

TIRANE - Në mbledhjen e grupit parlamentar të Partisë Socialiste, kryeministri Edi Rama ka folur për raporton e Komisionit Evropian që pritet të publikohet nesër. Rama ka shprehur rezerva për sistemin e drejtësisë duke thënë se nuk është në lartësinë që e kërkojnë sfidat që ka përpara Shqipëria.
"Kur flasim për korrupsionin, jemi të vetëdijshëm që është një luftë që na takon ta udhëheqim, por nuk e bëjmë dot plotësisht ashtu siç duhet vetëm, pa një sistem drejtësie në lartësinë e sfidës. Dhe sot për fat të keq nuk e kemi një sistem drejtësie në lartësinë e sfidës", tha Rama i cili paralajmëron kallëzim penal për të tjerë ish ministra. "Në pritje që prokuroria më në fund të japë rezultate e hetimeve që disa herë ka përsëritur se po bën, të tjerë ish-ministra do të përfshihen në rrugën e kërkesë për hetim nga ana e prokurorisë. Në javë në vijim edhe të tjerë ish-zyrtarë të lartë po ashtu do t’i ndjekin në po atë rrugë", tha kryeministri.

HermesNews - ©2014

Dërgo me email | Stampo artikullin