31/05/2014 17:29:40

Të ardhurat nga TVSH-ja 15,7%

Krahasuar me katërmujorin e një viti më parë (2013) u mblodhën 8.223 milionë lekë më shumë

TIRANE - Të ardhurat e mbledhura nga TVSH-ja në buxhet gjatë katërmujorit të parë të këtij viti janë 15.7 % më të larta se sa planifikimi në fillim të vitit. Sipas të dhënave të publikuara nga ministria e Financave, të ardhurat e mbledhura nga tatimi mbi vlerën e shtuar llogariten për periudhën janar-prill 40.626 milionë lekë nga 35.100 milionë lëkë të planifikuara. Krahasuar me katërmujorin e një viti më parë (2013) u mblodhën 8.223 milionë lekë më shumë. Gjatë periudhës janar-prill 2013 u mblodhën 32.403 milionë lekë të ardhura si TVSH. Tatimi mbi Vlerën e Shtuar (TVSH) zbatohet ndaj mallrave dhe shërbimeve brenda territorit të Shqipërisë.

HermesNews - ©2014

Dërgo me email | Stampo artikullin