23/05/2014 10:15:35

Sot fillon marshimi ''antidrogë''

Basha mbledh të vetët: ''Nuk synojmë të bllokojë statusin me protesta. Kjo është një mundësi e mirë për t’i përcjellë Europës mesazhin se shqiptarët janë pro Europës, kundër drogës''

(18:35) Pas mbylljes së protestës së opozitës para kryeministrisë, vetë kreu i kësaj qeverie, Edi Rama shkruan ne facebook se "rrota e avionit te ish-qeverise ngeci ne bulevard, piloti nuk foli shoferi bertiti pasagjeret moren furgonet per te ikur nga vendngjarja".

(18:33) "Nuk kam ndonjë koment shumë të madh për protestën e opozitës. Eshtë një e drejtë legjitime dhe demokracia fundja kjo është, e drejta e secilit për të zgjedhur kauzën që do, për të thirrur publikun në protestë.Nga ana tjetër, siç e shihni, unë jam në punë, qeveria është në punë, bashkë me partnerët ndërkombëtarë, jemi në detyrë për të garantuar që qytetarët shqiptarë janë më të sigurt në një vend që me reformat që po ndërmarrim, me siguri do të jetë shumë më i mirë nga ç‘ishte kur e morëm", tha sot Ministri i Brëndshëm Sajmir Tahiri, për protestën e opozitës.


TIRANE - Një marshim per t'i thene ''jo'' droges. Nen moton një popull në këmbë kundër drogës, selia blu del ne proteste në sheshin Skënderbej në një marshim që do vijojë nëpër bulevardin “Dëshmorët e Kombit”, për t’u ndalur para ambienteve të jashtme të godinës së Kryeministrisë. Tubimi nis në orën 11:00. Basha tha se "nuk synojmë të bllokojmë statusin me protesta. Kjo është një mundësi e mirë për t’i përcjellë Europës mesazhin se shqiptarët janë pro Europës, kundër drogës. Me lëvizjen tonë të premten, ne do të çojmë një mesazh të fuqishëm edhe për integrimin," tha Basha i cili tha se marshimi do të vijojë dhe në ditët e ardhshme.

HermesNews - ©2014

Dërgo me email | Stampo artikullin