22/05/2014 18:07:34

Sfidat e punësimit në treg

Punësimi, sfida për të gjithë të rinjtë të sapodiplomuar

KORCE - Në kuadër të Panairit të Punës është zhvilluar sot në ambientet e Univeritetit Fan S.Noli seanca sfidat e punësimit përballja me tregun e punës. Punësimi është një sfidë për të gjithë të rinjtë punëkërkues. Duke e gjetur veten të papunë të diplomuarit vazhdojnë studimet pas-universitare, me shpresën se përmes kualifikimeve të tilla, do të kenë më tepër mundësi të hyjnë në tregun e punës. Në këtë aktivitet kanë qënë të pranishëm Kryebashkiaku Sotiraq Filo si edhe shumë personalite të jetës akademike dhe kulturore të qytetit janë diskutuar tema të ndryshme në lidhje me punësimin dhe tregun e punës si edhe janë dhënë ide për të gjetur zgjidhje afatshkurtra dhe afatgjata për sfiden e punësimit. Në fjalën e tij Kryebashkiaku, Sotiraq Filo tha se: "Paneli i sotëm është një vlerë e shtuar që na lejon të shkëmbejmë mendime dhe ide, të identifikojmë çështjet dhe sfidat kryesore për punësimin dhe mundësitë konkrete që ofrohen për të rinjtë punëkërkues në qytetin e Korçës". Panairi do të vazhdojë dhe nesër, ditë në të cilën bizneset dhe organizatat do të rekrutojnë punëmarrës në pozicionet që ofrojnë.

Eftjola Fili

Dërgo me email | Stampo artikullin