22/05/2014 15:50:25

Policia, lançon ''policimin në komunitet''

Biseda me nxënësit e shkollave në Elbasan

ELBASAN - Në ambjentet e Drejtorisë së Policisë së Qarkut Elbasan u zhvillua sot një takim mes punonjësve të policisë, shoqatës “Tjetër Vizion” në prezencë të tre shkollave të mesme të qytetit të Elbasanit. Ky aktivitet organizohet në kuadër të projekteve të mbështetjes suedeze për ministrinë e Brendshme dhe Policinë e Shtetit. Objektivat e këtij projekti janë rritja e besimit të te rinjve te Policia nëpërmjet informimit dhe ndërgjegjësimit, fuqizimi i patneritetit ndërmjet institucioneve lokale dhe qëndrore përmes takimeve të përbashkëta dhe planeve konkrete. Më pas aktiviteti vijoi në shkollën e mesme “Mahir Domi”, në prani edhe të drejtorit ekzekutiv të projektit, Robert Korkuti dhe koordinatorit të këtij projekti, Arian Braho.

HermesNews - ©2014

Dërgo me email | Stampo artikullin