20/05/2014 15:07:54

Kërcënon mjekun me fjalë, proçedim penal për 54 vjeçarin

Telefonata kërcënuese në urgjencë. Mjeku denoncon

KORCE - Në komunikatën për shtyp të Policisë së Korçës bëhet me dije se ditën e djeshme filloi proçedimi në gjëndje të lirë për shtetasin A.R, 54 vjeç, banues në Tiranë. Procedimi ndaj tij u nis pasi dyshohet se ka marë në telefonin e Urgjencës së Spitalit Rajonal në Korçë dhe ka kërcënuar me fjalë mjekun Petrika Jordani, duke e bërë atë përgjegjës për vdekjen e nënës së tij. Burime pranë spitalit, bëjnë me dije se, e moshuara ka mbërritur me urgjencë në spital, me insuficiencë kardiake dhe hipertension arterial dhe se shkak i vdekjes së saj ishte një trombozë. Materialet lidhur me këtë rast i kaluan Prokurorisë së Rrethit Gjyqësor Korçë, për veprën penale “Kanosja për shkak të detyrës”.

Eftjola Fili

Dërgo me email | Stampo artikullin