19/05/2014 17:12:24

€4 milionë për ujësjellësin e Peshkopisë

Pala shqiptare merr përsipër kostot lokale, kurse projekti do të dorëzohet nga austriakët krejtësisht i përfunduar, ndërtuar dhe gati për tu implementuar

TIRANE - U nënshkrua të hënën në Tiranë marrëveshjen e kredisë së eksportit që do të sigurojë financimin e projektit të furnizimit me ujë të qytetit të Peshkopisë, me një vlerë prej 4 milionë euro. Pala shqiptare merr përsipër kostot lokale, kurse projekti do të dorëzohet nga austriakët krejtësisht i përfunduar, ndërtuar dhe gati për tu implementuar. Në ceremoninë e nënshkrimit të marrëveshjes, morën pjesë Ministri i Financave, Shkëlqim Cani, ambasadori i Republikës së Austrisë në Tiranës, Thomas Schnöll, zëvendësministri i Transportit dhe Infrastrukturës, Ylli Manjani, Gerd Rode, p[rfaq[suesi i UniCredit Bank Austria dhe prefekti i Qarkut Dibër, Melaim Damzi. Në periudhën 2003-2008 janë kryer rehabilitime të pjesshme në rrjetin shpërdarës të ujësjellësit të qytetit të Peshkopisë. Nëpërmjet këtij financimi synohet zgjidhja përfundimtare e furnizimit me ujë të pijshëm të zonës, si dhe sigurimi i një shërbimi të qëndrueshëm dhe financiarisht të përballueshëm për konsumatorët. Afati i zbatimit të punimeve është 18 muaj.

HermesNews - ©2014

Dërgo me email | Stampo artikullin