17/05/2014 09:57:15

Ngadalësohet reçesioni në Greqi

Ngadalësimi i ritmeve të rënies ekonomike me pesë për qind brenda një viti (PPB ishte ulur 6,0 për qind në tremujorin e parë të 2013-s), do të konfirmojë vlerësimin për ritme zhvillimi ekonomik të paktën 0,6 për qind për gjithë vitin 2014

ATHINË - Prodhimi i përgjithshëm Bruto (PPB) i Greqisë në tremujorin e parë të 2014-s u ul me 1,1 %, njoftoi Autoriteti Statistikor Grek (ELSTAT), çka sipas stafit ekonomik të qeverisë përbën në thelb paralajmërimin për përfundimin e recesionit pas 23 tremujorësh rënieje të vazhdueshme ekonomike. Ekspertët e Ministrisë greke të Financave vlerësojnë se ”ngadalësimi i ritmeve të rënies ekonomike me pesë për qind brenda një viti (PPB ishte ulur 6,0 për qind në tremujorin e parë të 2013-s), do të konfirmojë vlerësimin për ritme zhvillimi ekonomik të paktën 0,6 për qind për gjithë vitin 2014”. ”Vlerësimi në fjalë bazohet në pritshmëritë për ripërtëritjen e veprimtarisë ekonomike në tremujorin e dytë dhe të tretë të vitit për shkak të rritjes së mëtejshme të fluksit turistik drejt vendit”, shtuan ata. Vihet në dukje se në katërmujorin e parë të këtij viti po evidentohet një rritje e prenotimeve në njësitë e akomodimit, në masën 30,1 për qind.

HermesNews - ©2014

Dërgo me email | Stampo artikullin