14/05/2014 11:10:17

Arrestohet drejtuesi i mjetit që aksidentoi dje 10 vjeçaren

29 vjeçari, banues në lagjen 16 të qytetit akuzohet per aksidentin që ndodhi një ditë më parë kur makina përplasi një 10 vjeçare

KORÇË - Policia e Korçës, ka ndaluar ditën e djeshme shtetasin Nertil Izvi Zizolli, 29 vjeç banues në lagjen 16 të qytetit. Arrestimi i tij u bë pasi pasditen e djeshme, në rrugën Korçë - Devoll, në fshatin Plasë, duke drejtuar mjetin tip “benc ”, me targë KO 0130 B, ka aksidentuar të miturën me iniciale M.A, 10 vjeç, banuese në fshatin Plasë dhe pas aksidentit ai u largua nga vendi i ngjarjes, për tu arrestuar pak orë më vonë nga uniformat blu të Korçës. 10 vjeçarja u dërgua në gjendje të rëndë në Spitalin Rajonal të Korçës dhe më pas u nis për një mjekim më të specializuar në Tiranë. Materialet për këtë ngjarje i kaluan Prokurorisë së Rrethit Gjyqësor Korçë për veprën penale të parashikuar nga nenet 290 dhe 273 i Kodit Penal.

Eftjola Fili

Dërgo me email | Stampo artikullin