13/05/2014 19:00:08

Korçë, aksident, plagoset rëndë 10 vjeçarja

Mjeti që ka aksidentuar të miturën, është larguar nga vendi i ngjarjes

KORÇË - Policia e Korçës bën me dije se pasditen e sotme rreth orës 15.00, në aksin rrugor Korçë - Devoll, në kryqëzimin e fshatit Plasë, një automjet BENZ, ngjyrë gri (targa ende të paidentifikuara), ka aksidentuar të miturën M.A, rreth 10 vjeç, banuese ne fshatin Kuç i Zi, e cila ndodhet për mjekim në spitalin Rajonal Korçë, në gjendje të rëndë shëndetsore. Lajmi u dha nga Radio City Fm. 10 vjeçarja ka qenë duke kaluar nga njëra anë e rrugës në tjetrën në momentin që është përplasur nga makina. Mjeti që ka aksidentuar të miturën, është larguar nga vendi i ngjarjes. Blutë e Korçës po punojnë për kapjen e drejtuesit të mjetit dhe për zbardhjen e shkaqeve të aksidentit.

HermesNews - ©2014

Dërgo me email | Stampo artikullin