05/05/2014 16:50:31

Çelet Java Italiane në Shqipëri

Presidenti i Senatit Italian, Pietro Grasso që ndodhet në Tiranë për të çelur edicionin e parë

TIRANE - Investitorët italianë këtu mund të gjejnë Amerikën, tha kryeministri Rama i pranishëm në hapjen e edicionit Java italiane në Shqipëri. Rama ofron shkëmbime tregtare me këtë vend fqinj sa afër dhe larg. "Jemi të parët në dashurinë për Italinë dhe të fundit në shkëmbimet tregtare me Italinë. Jemi më afër dhe të tjerët kalojnë mes nesh por vendi më i largët që shkëmbejnë mallra e kapitale", u shpreh Rama. Presidenti i Senatit Italian, Pietro Grasso që ndodhet në Tiranë për të çelur edicionin e parë të “Javës Italiane”. Gjatë qëndrimit të tij Grasso do të zhvillojë një sërë takimesh me krerët më të lartë të vendit, si me kryetarin e Kuvendit Ilir Meta, Presidentin Bujar Nishani, kreun e qeverisë Edi Rama, dhe kreun e PD-së Lulzim Basha.
Java italiane është një aktivitet tre ditor ku do të shqyrtohen mundësitë dhe potencialet e investimit të kompanive italiane në Shqipëri në disa sektorë prioritarë. Nesër Presidenti i Senatit italian do të mbajë një leksion në Universitetin e Tiranës me temë “Italia dhe Shqipëria së bashku për Evropën e së ardhmes”.

HermesNews - ©2014

Dërgo me email | Stampo artikullin