30/04/2014 16:27:37

Interneti mënjanon celularin

Numri i pajtimtarëve celularë që përdorin shërbimet 3G të aksesit broadband në vitin 2013 arriti rreth 1.2 milion

TIRANE - Sipas të dhënave të raportuara nga autoriteti i komunikimeve elektronike dhe postare për vitin 2013, përdorimi i internetit është rritur ndjeshëm, si nga rrjeti fiks, ashtu dhe nëpër celulare. Numri i pajtimtarëve celularë që përdorin shërbimet 3G të aksesit broadband në vitin 2013 arriti rreth 1.2 milion, duke u rritur me 90%: numri pajtimtarëve me akses broadband 3G me karta USB/modern u rrit me 101 % ndërsa nr i pajtimtarëve me akses broadband 3G nga aparatet celulare u rrit me 88 %. Në shërbimet e ofruara nga rrjetet fikse, aksesi broadband pati rritje të ndjeshme me 14%. Sipas raportit të AKEP, evoluimi i teknologjisë dhe sjelljes konsumatore në drejtim të kërkesës për akses në internet kanë bërë që shtytësi kryesor për zhvillimin e tregjeve fikse të jetë aksesi broadband në internet. Numri i pajtimtarëve me akses broadband nga rrjete fikse në 2013 u rrit me 14% në krahasim me 2012 dhe AKEP thekson se të gjithë operatorët kryesorë kanë pasur rritje të numrit të pajtimtarëve të aksesi broadband.

komunikatë për shtyp

Dërgo me email | Stampo artikullin