29/04/2014 16:44:35

Maksi sekuestrim droge në Sarandë

Zbulohet lënda narkotike e fshehur, mendohet se do të transportohej në Greqi

TIRANË - Policia e Sarandës ka kapur ditën e sotme 700 kg lëndë narkotike, që ishte gati për t’u trafikuar drejt Greqisë. Antidroga e Sarandës mori informacion në rrugë operative se një sasi e konsiderueshme lënde narkotike ishte transportuar në fshatin Varfaj, Delvinë me qëllim për t’u trafikuar në drejtim të Greqisë.

"U organizua një operacion i përbashkët policor i koduar SOPOT 2014. Si rezultat i tij, rreth orës 10:00 të ditës së sotme, pikërisht në vendin e quajtur Bushec të Varfajt, u sekuestruan 17 çanta të mbushura me rreth 700 kg lëndë narkotike Cannabis Sattiva, të fshehura nëpër shkure", theksojnë burime nga MB.

Mendohet se lënda narkotike të jetë transportuar deri atje me mushka dhe më pas do të trafikohej në drejtim të Greqisë. Po punohet për identifikimin e autorëve të këtij rasti trafikimi lëndësh narkotike të mbetur në tentative, përfudnojnë burimet nga MB.

komunikatë për shtyp

Dërgo me email | Stampo artikullin