29/04/2014 08:58:22

Reforma për arsimin: gati raporti i parë

Deri në fund të korrikut gati ligji për arsimin e lartë. Jo me diploma të blera, reforma prek të gjitha nivelet e arsimit

TIRANË - Në raportin e parë për reformën e arsimit të lartë dhe kërkimit shkencor, blerja e diplomave me siguri kërkon vëmendje nga Ministria e Arsimit, sidomos pas skandaleve që përfshinë vitet e fundit universitetet private.

"Transparencë dhe dialog, janë parime që do të karakterizojnë këtë proçes", siguroi dje ministrja Nikolla në prezantimin e raportit të parë të komisionit të reformës.

Periudha prill-maj do të përkojë me fazën e diskutimit dhe më pas të raportit përfundimtar për të mundësuar që deri në fund të korrikut të hartohet ligji për reformën e arsimit të lartë.

Reforma do të jetë e plotë, që nga parashkollorët deri tek arsimi i lartë.

Drafti i parë i raportit do të hidhet për diskutim me grupet e interesit dhe faktorët e arsimit të lartë dhe kërkimit shkencor.

HermesNews - ©2014

Dërgo me email | Stampo artikullin