28/04/2014 17:06:18

Kontrolle për djathin me nisheste

Kontrolle nëpër pikat e shitjes së produktit në shkallë vendi

TIRANË - Autoriteti kombëtar i ushqimit, njoftoi sot se ka përfunduar plan veprimin për inspektimin e të gjitha stabilimenteve të mbledhjes dhe përpunimit të qumëshit dhe marrjes së mostrave për produktin djath, në të gjithë vendin. Drejtori i Përgjithshëm i AKU-së, Afrim Bakaj, urdhëroi hartimin e një plan veprimi, dhe Drejtoritë Rajonale në 12 qarqet, që të nisin zbatimin e tij për inspektimin e të gjitha stabilimenteve të përpunimit të qumështit dhe pikave të shitjes, me qëllim ndalimin e prodhimit të djathit me përbërje niseshteje.Gjatë periudhës 7 deri 20 prill në rang kombëtar, janë inspektuar 1223 Operatorë të Biznesit Ushqimor, që prodhojnë, përpunojnë produkte me bazë qumështi, pika tregtimi dhe tregje. Në këtë kuadër, vijon AKU, janë analizuar 3064 mostra me metodën cilësore (tinkturë Jodi) nga të cilat: 2897 mostra kanë rezultuar negative dhe 110 mostra kanë rezultuar pozitive.Ndërsa nga inspektorët e Drejtorive Rajonale të AKU-së në qarqe, është bllokuar sasia prej 2439.53kg, e cila është analizuar dhe ka rezultuar pozitive.

HermesNews - ©2014

Dërgo me email | Stampo artikullin