25/04/2014 10:29:37

Grup hetimor për akuzat e trafikut të ushtrisë

Kuvendi i Shqipërisë në një seancë që zgjati më shumë se 11-të orë miratoi të gjitha pikat e rendit të ditës ku ndër të tjera dhe vijimësinë e punës për 30-të ditë nga data e përfundimit të punës (13 Prill 2014), e komisionit hetimor për transferimet, lëvizjet dhe emërimet në policinë e shtetit

TIRANË - Kuvendi i Shqipërisë miratoi rreth mesnatë me 75 vota pro dhe 15 kundër ndryshimet ligjore "Për deklarimin dhe kontrollin e pasurive, të detyrimeve financiare të të zgjedhurve dhe të disa nëpunësve publikë" të ndryshuar.

Kuvendi sot miratoi me votat e maxhorancës ngritjen e grupit hetimor mbi akuzat e opozitës për implikimin e ushtrisë në trafikun e drogës.

Kuvendi i Shqipërisë në një seancë që zgjati më shumë se 11-të orë miratoi të gjitha pikat e rendit të ditës ku ndër të tjera dhe vijimësinë e punës për 30-të ditë nga data e përfundimit të punës (13 Prill 2014), e komisionit hetimor për transferimet, lëvizjet dhe emërimet në policinë e shtetit për periudhën Tetor 2013-Janar 2014 dhe ndikimi i këtyre lëvizjeve në përkeqësimin e punës së policisë së shtetit.

Kuvendi me votat e mazhorancës votoi edhe pr/vendimin për shtimin e përbërjes së Komisionit të reformës territoriale. Anëtarja më e re e këtij komisioni do të jetë Blerina Gjylameti. Ky pr/vendimi u miratua me 74 vota pro dhe 14 kundër.

Kuvendi i Shqipërisë gjithashtu votoi 85 vota pro dhe asnjë votë kundër Rratifikimin e marrëveshjes së huas ndërmjet Republikës së Shqipërisë dhe Fondit Saudit për Zhvillim për financimin e projektit të ndërtimit të rrugës Tiranë - Elbasan - Qukës - Qafë e Plloçës”.

HermesNews - ©2014

Dërgo me email | Stampo artikullin